Flokkun Eyjafjörður ehf

Vistvæn innkaup fela í sér að þá er reynt að velja þá vöru eða þjónustu sem er síður skaðleg umhverfinu og heilsu manna. Varan skal einnig bera sama eða lægri líftímakostnað samanborið við aðra vöru eða þjónustu sem uppfylla sömu þörf. Með líftímakostnaði er átt við innkaupaverð vöru auk kostnaðar við rekstur, viðhald og förgun. 

 

Hvað úrgangsmál snertir eru vistvæn innkaup mikilvægur þáttur. T.d. endar mikið magn matvæla í ruslinu ár hvert og þannig er sóað fjármagni bæði neytandans og samfélagisins í heild. Hægt er að rekja hluta þess magns sem er sóað til rangra innkaupa og þannig hafa vistvæn innkaup bein áhrif á úrgangsstjórnun.

Við vistvæn innkaup er mikilvægt að greina raunverulega þörf og þannig einblína ekki á ákveðna vöru heldur virkni hennar þ.e. hvaða þörf á varan að uppfylla. Kannski er hægt að uppylla þörfina með breyttu vinnulagi, endurnýtingu, þjónustu eða öðrum valkostum. Í þessu sambandi snúast vistvæn innkaup ekki alltaf um að kaupa vistvænni vöru heldur geta þau snúist um að kaupa minna eða fara aðrar leiðir.

Á síðunni http://www.vinn.is/ eru m.a. hagnýtar upplýsingar um hvernig standa má að því að innleiða vistvæn innkaup í starfsemi opinberra aðila, ásamt ýmsu fræðslu efni þessu tengdu.