Urðunarstaðurinn á Glerárdal lokar
þriðjudagur 22.febrúar 2011
Frá og með 1. mars 2011 verður urðunarstaðurinn á Glerárdal lokaður og allri úrgangsmóttöku þar hætt. Eftir þann tíma skal allur úrgangur sem þarf að urða fluttur til urðunar í Stekkjarvík í Austur-Húnavatnssýslu.
Nánari upplýsingar um fyrirkomulag, flokkun og flutning úrgangsins fást á skrifstofu Flokkunar í síma 462 4035 og einnig hjá hverju sveitarfélagi fyrir sig.
Timburmóttaka Flokkunar mun á sama tíma flytjast í Ægisnes 1 á Akureyri (hjá Hringrás) og þar verður tekið á móti timbur- og garðaúrgangi. Vigtun farma skal fara fram á hafnarvoginni á Akureyrarhöfn eða hjá Steypustöð Akureyrar ehf., Sjafnarnesi 2-4 á Akureyri. Einstaklingum er bent á að losa framangreindan úrgang á gámasvæðum.
