Flokkun Eyjafjörður ehf

Miðvikudaginn 6. október sl. lagði stjórn Flokkunar Eykjafjörður ehf. land undir fót og fór til Stekkjarvíkur, í landi Sölvabakka í Refasveit, í samfloti við verkefnistjórn Sambands íslenskra sveitarfélaga á sviði úrgangsmála.  Tilgangur ferðarinnar var að skoða framkvæmdir við nýjan urðunarstað Norðurár bs. þar sem fyrirhugað er að urða úrgang Eyfirðinga a.m.k næstu 10 árin.  

Framkvæmdum miðar vel og er áætlað að urðun geti hafist um næstu áramót.  Búið er að grafa út um 95 % af 390 þús. m³  urðunarhólfi sem er um 25 % af heildar urðunarrými í Stekkjarvík. Framkvæmdir eru einnig hafnar við þjónustuhús og vatnsveitu.  Aðstæður í Stekkjarvík eru mjög hentugar fyrir urðunarstað og mun urðunarstaðurinn uppfylla allar ströngustu kröfur með tilliti til mengunarvarna og lágmörkun umhverfisáhrifa. Heimilt er að urða 21.000 tonn á ári í Stekkjarvík. Miðað við áætlanir um úrgangsmagn mun urðunarstaðurinn geta tekið við úrgangi frá Eyjafirði, Skagafirði og Austur Húnavatnssýslu í a.m.k. 30 ár. Hugsanlegt er að urðunarstaðurinn í Stekkjarvík muni jafnvel þjóna enn stærra svæði.