Flokkun Eyjafjörður ehf

Í gær undirritaði Arnarneshreppur samning við Íslenska Gámafélagið varðandi "Grænu tunnuna" fyrir öll heimili í Arnarneshreppi. Þetta felur í sér að íbúar sveitarfélagsins fá Grænu tunnuna til viðbótar þeirri tunnu sem fyrir er. Græna tunnan er fyrir endurvinnanlegt sorp eins og bylgjupappa, sléttan pappa, fernur, plast, minni málmhluti, dagblöð/tímarit o.fl. Markmið verkefnissins er að minnka magn þess úrgangs sem fer til urðunar um allt að 40%. Með þessum aðgerðum verða íbúar sveitarfélagisins með beinum hætti þátttakendur í að gera Arnarneshrepp umhverfisvænna sveitarfélag.